„И ОВА Е ДЕЛ ОД ДЕЛЧЕВО“

Успешна реализација на уште еден проект во кој главна цел беа младите од Делчево! 

Настанот „И ОВА Е ДЕЛ ОД ДЕЛЧЕВО“ организиран во рамките на Проектот на УСАИД за граѓанско општество, се одржа на бул. Македонија (потпорен ѕид кај ОУ „Св. Климент Охридски“) на 29-ти март 2014 со почеток од 12 часот.

Еднодневниот настан имаше за цел:

• Враќање на јавниот прстор на граѓаните
• Подигнување на свеста на младите како и можноста за истражување на нините потреби
• Обезбедување на простор за слободно изразување на младите
• Поголеми можности за активност и креативност кај младите

Еве неколку фотографии со младите кои го реализираа овој настан: 

 

Во овој настан се вклучија група на млади луѓе кои придонесоа за разубавување на дел од јавниот простор во градот, промовирајќи неограничена слобода на изразување. Јавниот настан „И ОВА Е ДЕЛ ОД ДЕЛЧЕВО“ е иницијатива на група млади луѓе кои учествуваа на Летната академија 2013 како дел од Проектот на УСАИД за граѓаноско опшество. Овие млади луѓе се натпреваруваа во своите врсници од 13 градови за можност да се организира иницијатива за подобрување на нивната заедница како и да се обезбедат можности за учество на младите.

Проектот на УСАИД за граѓанско општество го спроведува Фондацијата Отворено општество – Македонија во соработка со четири граѓански организации: Младински образовен форум, Форум – Центар за стратегиски истражувања и документација, Центар за граѓански комуникации и Реактор – Истражување во акција.

Американскиот народ, преку УСАИД, има инвестирано околу 500 милиони американски долари во Македонија од 1993. УСАИД работи со луѓето од Македонија за да креира работни места, да се зајакнат демократските институции и практики, да се подобри интегрираното образование и студентите да се подготват за работна сила. Овие иницијативи го подобруваат квалитетот на живот и ја поддржуваат македонската транзиција кон една стабилна и просперитетна демократија. УСАИД обезбедува економска и хуманитарна помош во повеќе од 100 земји. За повеќе информации посетете ја веб страницата  macedonia.usaid.gov   или  www.facebook.com/USAIDMacedonia.